Балыкчы шаарынын 2026-жылга жергиликтүү бюджети жана 2025-жылдагы
шаардык бюджеттин аткарылышы жөнүндө.
“2026-жылда Балыкчы шаарындагы социалдык – маданий иш чараларды жана бюджеттик мекемелерди үзгүлтүксүз каржылоо максатында шаардын бюджетин бекитүү жана 2025-жылдагы бюджеттин аткарылышы жөнүндө” Балыкчы шаарынын мэриясынын 2026–жылдын 25-январындагы №2 чечимине, Кыргыз Республикасынын Финансы министрлигинин Балыкчы финансы башкармалыгынын начальнигинин билдирүүсүнө ылайык, экономика, бюджет, салык жана финансы маселелери боюнча
депутаттык туруктуу комиссиясынын сунушун угуп, талкуулап Балыкчы шаардык кеңешинин сессиясы,
ТОКТОМ КЫЛАТ:
1. 2026-жылга Балыкчы шаарынын жергиликтүү бюджети кирешелер жана чыгашалары боюнча 420026,1 миң сом көлөмүндө №1 тиркемеге ылайык аныкталсын.
2. Мамлекеттик маанидеги салыктардын жалпы көлөмдөрү 2026-жылга шаардык бюджетке чегерүүлөрдүн өлчөмү №2 тиркемеге ылайык эске алынсын.
3. Шаардык башкаруу органдарынын чыгашалары №3 тиркемеге ылайык белгиленсин.
4. Балыкчы шаарынын жергиликтүү бюджетиндеги мекемелеринин 2026-жылга чектелген эмгек акы фондусу №4 тиркемеге ылайык белгиленсин.
5. Шаардык жергиликтүү бюджеттен 2026-жылы каржылануучу чыгымдардын көлөмү №5 тиркемеге жана атайын каражаттардын эсебинен №6 тиркемеге ылайык каралсын.
6. Өндүрүлгөн салыктардын республикалык жана жергиликтүү бюджеттерге чегерүүлөр салыктын ар бир түрүнөн бекитилген өлчөмдөрү чечимдин 2 пунктуна ылайык, банкалык операция күн сайын жүргүзүлүп туруусу Кыргыз Республикасынын Финансы
министрлигинин Балыкчы финансы башкармалыгына милдеттендирилсин.
7. Ишкана, мекеме жана уюмдардын жетекчилери 2026-жыл ичинде бюджетке чегерүү милдеттерин аткаруу менен, салык маселелерине өзгөчө көңүл буруп, өз убагында тийиштүү иш-чараларды жүргүзүүлөрү милдеттендирилсин.
8. Жергиликтүү бюджеттен каржыланган мекемелердин атайын каражаттарынын кирешелерин Балыкчы финансы башкармалыгынын эсебисиз пайдаланууга тыюу салынсын. Балыкчы финансы башкармалыгынын эсебисиз пайдаланган каражаттар жергиликтүү бюджетке алынышы аныкталсын.
